ტელეფონი+995 (431) 23 79 79

ელ ფოსტა[email protected]

მისამართიქუთაისი, წერეთლის ქ. #13

გაცვლითი პროგრამები

ქუთაისის უნივერსიტეტი შესაძლებლობას გაძლევთ მიიღოთ მონაწილეობა გაცვლით სასწვლო პროგრამებში თურქეთის, ბალტიისა და სკანდინავიის რეგიონის ქვეყნების, პოლონეთის, გერმანიისა და სხვა ქვეყნების წამყვან უნივერსიტეტებში; პრაქტიკულ სტაჟირებებზე გერმანიასა და აშშ-ში;
Erasmus + პროგრამებით გათვალისწინებულ ტრენინგებს, კვლევებსა და სტაჟირებებში;
სამეცნიერო კონფერენციებში მსოფლიოს მასშტაბით.


საზაფხულო პრაქტიკები აშშ-ში, კანადასა და გერმანიაში - ქუთაისის უნივერსიტეტის მხარდაჭერა სტუდენტებს. ქუთაისის უნივერსიტეტმა იმ სტუდენტთა მხარდაჭერის მიზნით, რომლებიც საზაფხულო არდადეგების გატარებას საზღვარგარეთ პრაქტიკებზე გეგმავენ, ორი მნიშვნელოვანი მემორანდუმი გააფორმა: კომპანია „სტარაკადემი“ და ქუთაისის უნივერსიტეტი პარტნიორები გახდნენ. Staracademy არის ერთადერთი ორგანიზაცია საქართველოში, რომელიც თანამშრომლობს ამერიკის მთავრობის მიერ შექმნილ საერთაშორისო გაცვლითი პროგრამების საბჭოსთან (Council on International Educational Exchange – CIEE), ასევე კანადის ყველაზე მსხვილ ინგლისურენოვან სასერტიფიკაციო პლატფორმასთან Global TESOL College. მათი მისია მსოფლიოს სხვადასხვა ქვეყანაში კულტურული გაცვლითი პროგრამების განხორციელებაა.


ქუთაისის უნივერსიტეტმა ურთიერთთანამშრომლობის სამმხრივი მემორანდუმი კომპანიასთან „Deutsch mit Khatuna" და გერმანიაში არსებულ ტურიზმისა თუ მომსახურების სფეროში მოღვაწე კომპანიებთან გააფორმა. მემორანდუმის ფარგლებში, სტუდენტებს გერმანიის განსაზღვრულ კომპანიებში გავლილი პრაქტიკები კრედიტების სახით უღიარდებათ. ურთიერთთანამშრომლობის მიზანია, ქუთაისის უნივერსიტეტის სტუდენტებმა პარტნიორი ორგანიზაციებისგან მხარდაჭერა და ხელშეწყობა მიიღონ.