ხელშეკრულება უკრაინის ნაციონალური ტექნიკური უნივერსიტეტის „კიევის პოლიტექნიკურ ინსტიტუტსა“ და ქუთაისის უნივერსიტეტს შორის

29 ოქტომბრიდან 2 ნოემბრამდე, უკრაინის ეროვნეულ მეცნიერებათა აკადემიისა და განათლებისა და მეცნიერების სამინისტროს კიევის ეროვნული  უნივერსიტეტის „კიევის პოლიტექნიკური ინსტიტუტის“ სამეცნიერო-კვლევითი კომპლექსის „გამოყენებითი სისტემური ანალიზის ინსტიტუტის“  ხელმძღვანელთა სპეციალური მიწვევით, კიევში, სამუშაო ვიზიტით, იმყოფებოდა ქუთაისის უნივერსიტეტის დელეგაცია უნივერსიტეტის დეკანის, პროფესორის, ბ-ნ კახაბერ გაბელაშვილისა და უნივერსიტეტის საერთაშორისო ურთიერთობათა სამსახურის საერთაშორისო პროექტების მენეჯერის, პროფესორის,  ქ-ნ თეა კორძაძის შემადგენლობით.

ვიზიტის დროს, ხელი მოეწერა ორმხრივ ხელშეკრულებას, ხსენებულ ორ უმაღლეს სასწავლებელს შორის, რომელიც ითვალისწინებს „...პარტნიორობას, თანამშრომლობას და სამეცნიერო გაცვლებს“,  კერძოდ:

• სამეცნიერო, სასწავლო და მეთოდური ლიტერატურის გაცვლას;
• ორგანიზაციის სრულყოფისა და განვითარების, სამეცნიერო-კვლევითი მუშაობის სტრუქტურიზაციისა და კომპიუტერიზაციის საქმეში მიღებულ გამოცდილების გაზიარებას;
• სამეცნიერო კუთხით სასტაჟირებო გაცვლებს, პროფესორ-მასწავლებელთა მრავალმხრივი დანიშნულების ორმხრივ მივლინებებს
• სტუდენტთა გაცველებს;
• მაგისტრთა მომზადებისთვის სასწავლო-სამეცნიერო პროგრამების ერთობლივად შემუშავებას

და სხვა.

ამასთანავე, კიეველი პარტნიორები, მობილობის ფარგლებში, უფასოდ მოამზადებენ ქუთაისის უნივერსიტეტის მიერ მათთან სასწავლად გაგზავნილ ქართველ სტუდენტებს.

აღნიშნული ხელშეკრულების მოქმედების ვადა 5 წლით განისაზღვრა.

{Gallery dir='news/07-11-2013'}