ქუთაისის უნივერსიტეტის პრიორიტეტები

ქუთაისის უნივერსიტეტის მისიაა იმერეთის მხარეში იყოს საუკეთესო:

• საქართველოს და მსოფლიოს სხვა ნებისმიერი ქვეყნის მოქალაქეებისათვის ბიზნეს და ეკონომიკური ცოდნის მიწოდებაში, შესაბამისი აკადემიური ღირებულებების ფორმირებაში, მათი შენარჩუნებისა და გამოყენების უნარის განვითარებაში;
• კვალიფიციური, ღრმა კომპეტენციის, კრიტიკულ სიტუაციებში ოპტიმალური გადაწყვეტილებების მიღების უნარისა და მაღალი მოქალაქეობრივი თვითშეგნების მქონე ეკონომისტთა ახალი თაობების მომზადებაში;
• სრულფასოვანი მოქალაქეების, თანამედროვე ლიდერების ჩამოყალიბებაში, რომლებიც მზად იქნებიან თამამად შეხვდნენ აწმყოს გამოწვევებს და თავიანთი პროფესიონალიზნით გაამდიდრონ მომავალი;
• კრეატიულობასა და ნოვატორულობაში;
• რეგიონული და საერთო-სახელმწიფო მნიშვნელობის სოციალურ-ეკონომიკური კვლევების განხორციელებაში, საკუთარი სამეცნიერო პოტენციალის სრული გამოყენებისა და მის შემდგომ განვითარებაზე გამოუდმებული ზრუნვის პირობებში;

აქ თანამედროვე ცოდნის მისაღებად ყველა პირობაა შექმნილი:

• განახლებული, გალამაზებული შენობა და ეზო, ნათელი, თბილი კეთილმოწყობილი და სათანადო ტექნიკით აღჭურვილი აუდიტორიები;
• უახლესი, თანამედროვე ლიტერატურით დაკომპლექტებული ბიბლიოთეკა და სამკითხველო დარბაზი;
• ორი კომპიუტერული კლასი, მუდმივად ხელმისაწვდომი ინტერნეტი;
• ენათა ცენტრი;
• სააქტო დარბაზი კონფერენციებისათვის, სცენისა და ხელოვნების მოყვარულთათვის;
• ღრმა კვალიფიკაციის მქონე, საუკეთესო პროფესურა;
• თანამედროვე მოთხოვნების შესაბამისი სასწავლო პროგრამები;
• სასწავლო პრაქტიკა: TBC-ბანკში, ტაო-პრივატ-ბანკში სადაზღვევო კომპანიაში „ალდაგი ბისიაი“;
• უნივერსიტეტის სტუდენტებს შესაძლებლობა აქვთ ჩაერთონ სასწავლო-გაცვლით პროგრამებში: Fullbright, Maski, Irex, Kirkland, Eeu, Daad