სტუმრად მოხუცებთან


ქუთაისის უნივერსიტეტის სტუდენტებმა და მარკეტინგისა და  საზოგადოებასთან ურთიერთობის სამსახურმა ტრადიციული საქველმოქმედო ღონისძიება მოხუცთა პანსიონატში ტრადიციულად 19 დეკემბერს - ნიკოლოზობის ბრწყინვალე დღესასწაულს გამართა.

 მოხუცები და პანსიონატის თანამშრომლები დილიდანვე მოთმენლად ელოდნენ სტუმრებს ქუთაისის უნივერსიტეტიდან, რომელთაც იქ ჩვეული სითბო და სიყვარული დახვდათ.

პანსიონატში მცხოვრებთ  ამჯერად ნაძვის ხე და მისი მოსართავები მიუტანეს საჩუქრად, ხოლო უნივერსიტეტის სტუდენტების შემოქმედებითმა ჯგუფმა მორიგი სახალისო და მხიარული კულტურული პროგრამა წარმოადგინეს.

მოხუცებს ნიკოლოზობის დღესასწაული და დამდეგი შობა ახალი-წელი მიულოცა უნივერსიტეტის რექტორმა ბატონმა დავით თვალთვაძემ.

ხანდაზმულების მადლიერმა, სითბოთი სავსე  მზერამ და თვალში აკიაფებულმა სიხარულის თუ სევდის ცრემლებმა  კიდევ ერთხელ შეგვახსენა, რომ ჩვენც დავბერდებით!

კონცერტის დასასრულს პანსიონატის დირექტორმა მადლობა გადაუხადა ქუთაისის უნივერსიტეტს, იმ თანადგომისა თანამშრომლობისათვის, რომელიც უკვე წლებია აკავშირებთ ერთმანეთთან.

ახალგახრდებმა  მოხუცებთან და დაწესებულების ადმინისტრაციასთან ერთად სამახსოვრო ფოტოები გადაიღეს;  შეხვედრის უსაზღვრო სურვილითა და იმედიანი განწყობით დაემშვიდობნენ.


არქივის ძებნა
კატეგორიები
facebook