ქუთაისის უნივერსიტეტი სტუდენტებს აკადემიური განათლების გარდა, სთავაზობს  სახელოვნებო და კულტურული მიმართულებებით განვითარებას.

უნივერსიტეტი სტუდენტებისთვის ქმნის შემოქმედებით გარემოსა და პირობებს და ხელს უწყობს მათ რეალიზებას ხელოვნების მიმართულებით. ამ მიზნით შექმნილია თეატრალური დასი,  ქორეოგრაფიული ანსამბლი „ერისა“, მხიარულთა და საზრიანთა კლუბი „სენსაცია“. 

ქორეოგრაფიული ანსამბლი გამოირჩევა მაღალი პროფესიონალიზმით, რასაც მოწმობს უმაღლესი შეფასებები საქართველოს და ევროპის საერთაშორისო ფესტივალებზე. აღსაღნიშნავია, რომ ქუთაისის უნივერსიტეტის სტუდენტური ანსამბლი ყოველ ზაფხულს დიდ ტურნეს აწყობს ევროპის სხვადასხვა ქალაქებში ფესიტვალებზე,საიდანაც ყოველ წელს საუკეთესო შეფასებებით ბრუნდებიან.

მხიარულთა და საზრიანთა კლუბი თავისი იუმორით, მხიარულებით და დადებითი განწყობით მრავალი წელია ახალისებს უნივერსიტეტს. ჰქმნის საინტერესო და ხარისხიან იუმორს. მონაწილეობას იღებს მასშტაბურ სტუდენტურ ფესტივალებში, ადგილობრივ კონკურსებში, ჩართულია სატელევიზიო იუმორისტულ ჩემპიონატში „ქართული ლიგა“.

თეატრალური დასი ასევე, აქტიურადაა ჩართული სტუდენტურ ფესტივალებში და სხვადასხვა ღონისძიებებში.