ქუთაისის უნივერსიტეტი გულის მსოფლიო დღეს – “გული სიცოცხლისათვის” შეუერთდა.
გულის მსოფლიო დღე ჯანმრთელობის გლობალური კამპანიაა და ყოველწლიურად 29 სექტემბერს აღინიშნება. მისი მთავარი ამოცანა გულ-სისხლძარღვთა სისტემის დაავადებების, წარმოშობის მიზეზების და მათი პრევენციის შესახებ ცნობიერების ამაღლებაა.
აღნიშნულთან დაკავშირებით, მოწვეულ იქნა დასავლეთ საქართველოს სამედიცინო ცენტრის ექიმი კარდიოლოგი მანანა ახმაევა, რომელმაც წაიკითხა ლექცია - "უსმინე შენს გულს“.
ქუთაისის უნივერსიტეტის მედიცინის ფაკულტეტი სრულად იზიარებს გულის მსოფლიო დღის მიზანს, რაც შეიძლება მეტი ადამიანი იყოს ინფორმირებული გულ-სისხლძარღვთა დაავადებების პრევენციული თუ სამკურნალო ღონისძიებების შესახებ.
მედიცინის ფაკულტეტის სტუდენტები დიდი ენთუზიაზმით ჩაერთნენ კამპანიაში, მონაწილეობა მიიღეს მსურველთათვის დაორგანიზებულ კარდიოგრამის გადაღებასა და წნევის გაზომვაში.