ქუთაისის უნივერსიტეტში ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორის თამარ ქარაიას მონოგრაფიის "მეხსიერების დაუსრულებელი პროექტები“ პრეზენტაცია გაიმართა.
მონოგრაფია ასახავს დამოუკიდებლობის აღდგენის შემდეგ სახელმწიფოს მშენებლობისა და ერის კონსოლიდაციის პროცესში ისტორიის გამოყენებისა და კოლექტიური მეხსიერების ფორმირების მცდელობებს საქართველოში.
მონოგრაფია ივანე ჯავახიშვილის სახელობის თბილისის სახელმწიფო უნივერსიტეტში, შოთა რუსთაველის ეროვნული სამეცნიერო ფონდის ახალგაზრდა მკვლევართა საგრანტო პროექტის მხარდაჭერით მომზადდა.