საგამოცდო ცენტრის შესახებ

ზოგადი დებულება

1. საგამოცდო პროცესის ადმინისტრირების წესი (შემდგომში - „წესი“) ადგენს
ქუთაისის უნივერსიტეტში (შემდგომში - „უნივერსიტეტი“) საგამოცდო პროცესის საგამოცდო პროცესის ადმინისტრირების წესი წარმართვასთან დაკავშირებულ წესსა და პირობებს, ასევე განსაზღვრავს საგამოცდო პროცესში ჩართული პირების უფლება-მოვალეობებს.
2. წესი შემუშავებულია საქართველოს მოქმედი კანონმდებლობის, უნივერსიტეტის დებულებისა და უნივერსიტეტში მოქმედი სხვა შიდა სამართლებრივი აქტების შესაბამისად.
3. წინამდებარე წესი ადგენს, სწავლების სამივე საფეხურზე, ერთიანი პროცედურის დაცვით, შუალედური, დასკვნითი, დამატებითი გამოცდების ორგანიზებასა და ჩატარებასთან დაკავშირებულ საკითხებს. საგამოცდო ცენტრი არ მონაწილეობს იმ გამოცდის ჩატარებაში, რომელიც ტარდება ზეპირი ფორმით ან საგნის სპეციფიკის გათვალისწინებით მოითხოვს ლექტორის დასწრების აუცილებლობას.

საგამოცდო ცენტრის ფუნქციები

საგამოცდო ცენტრს უნივერსიტეტის დებულებით განსაზღვრული
უფლებამოსილების გარდა დამატებით აქვს შემდეგი ფუნქციები:

ა) საგამოცდო პროცესის მონიტორინგი, შეფასება და გამოვლენილი ხარვეზების გამოსწორების მიზნით, შესაბამისი რეკომენდაციების შემუშავება და ხელმძღვანელობისთვის წარდგენა;
ბ) საგამოცდო პროცესში მონაწილე მხარეებისადმი (ლექტორები, სტუდენტები, სასწავლო პროცესის მართვის მენეჯერები, დამკვირვებლები და სხვ.) გამოცდებთან დაკავშირებული ინფორმაციის დროული და სრულყოფილი მიწოდება;
გ) შუალედური, დასკვნითი, დამატებითი გამოცდების მასალების მომზადება გამოცდებამდე 5 (ხუთი) სამუშაო დღით ადრე მაინც, საგამოცდო მასალების შესაბამისი კურსის სილაბუსებთან (შედარებაში არ იგულისხმება შინაარსობრივი თემატიკის გადამოწმება) შედარების ორგანიზება და დამკვირვებლებისთვის მიწოდება;
დ) საგამოცდო ნაშრომების ლექტორებისთვის გადაცემა;
ე) გამოცდის შედეგების (სტუდენტთა შეფასებების) სასწავლო პროცესის მართვის ელექტრონულ ბაზაში შეტანა;
ვ) სასწავლო კურსის განმახორციელებელი პერსონალის მიერ საგამოცდო საკითხების დროული მიწოდების კონტროლი;
ზ) თავისი სამუშაო სპეციფიკიდან გამომდინარე, საგამოცდო პროცესის ეფექტიანად განხორციელების მიზნით სხვა უფლებამოსილებების განხორციელება.