მედიცინის ფაკულტეტის ორგანიზებით ქუთაისის უნივერსიტეტში საჯარო ლექცია - "Know your risk, know your response" გაიმართა.
14 ნოემბერი მსოფლიო დიაბეტის საერთაშორისო დღეა და მისი აღნიშვნა 1991 წლიდან მსოფლიო ჯანმრთელობის ორგანიზაციის ინიციატივით ხდება.
ქუთაისის უნივერსიტეტში მსოფლიო დიაბეტის საერთაშორისო დღეს ექიმ-ენდოკრინოლოგმა ხათუნა ჩაკვეტაძემ განიხილა შაქრიანი დიაბეტის ტიპები, დიაბეტი ბავშვებსა და მოზრდილებში, მკურნალობასთან დაკავშირებული აქტუალური საკითხები, რისკფაქტორები და გამომწვევი მიზეზები.
შეხვედრის შემდეგ, მსურველთათვის სისხლში გლუკოზის დონის განსაზღვრა მოხდა.