ქუთაისის უნივერსიტეტი EURAXESS საქართველოს ქსელის პლატფორმაზე გაწევრიანდა, რომელიც მკვლევრებსა და მათ ოჯახებს ინფორმაციით უზრუნველყოფს და დახმარებას უწევს მობილობისა და კარიერული განვითარების შესაძლებლობების კუთხით.
აღნიშნულ პორტალზე ქუთაისის უნივერსიტეტს შესაძლებლობა ექნება გამოაქვეყნოს ვაკანსიები და გაეცნოს პლატფორმაზე დარეგისტრირებული მკვლევრების პროფილებს, მოიძიოს უცხოელი პარტნიორი უნივერსიტეტები და მიიღოს ინფორმაცია სხვადასხვა უნივერსიტეტების განცხადებებზე (სტიპენდიები, ვაკანსიები, კვლევითი პროექტები, ა.შ.). ამასთანავე, ის საშუალებას აძლევს უნივერსიტეტებსა და კვლევაზე ორიენტირებულ ინსტიტუციებს მოიზიდონ ტალანტები, პარტნიორები და ფინანსური მხარდაჭერა.