"ერაზმუს+” მობილობისთვის სტუდენტთა შიდა შერჩევის პროცესი დასრულდა

ქუთაისის უნივერსიტეტში "ერაზმუს+” მობილობაში მონაწილეობისთვის სტუდენტთა შიდა შესარჩევი კონკურსი დასრულდა.

სხვადასხვა პროგრამიდან განაცხადი შვიდმა სტუდენტმა წარადგინა, რომელთაგან სამმა ვერ დააკმაყოფილა კონკურსის მინიმალური სტანდარტები, ოთხი სტუდენტის შემთხვევაში კი საკონკურსო კომისიამ დადებითი გადაწყვეტილება მიიღო.

2024-2025 სასწავლო წლის გაზაფხულის სემესტრში პარტნიორ უნივერსიტეტებში “ერაზმუს+” მობილობაში მონაწილეობისთვის შეირჩნენ ქუთაისის უნივერსიტეტის შემდეგი სტუდენტები:

• ანი ჭოლაძე – ვუკოვარის გამოყენებითი მეცნიერებების უნივერსიტეტი "ლავოსლავ რუჟიჩკა", ხორვატია
• იური კუკულაძე – სილეზიის ტექნოლოგიური უნივერსიტეტი, პოლონეთი
• ირაკლი ხელაძე – მალაგის უნივერსიტეტი, ესპანეთი
• თინიკო მესხი – ბრატისლავის კომენიუსის უნივერსიტეტი, სლოვაკეთი

ქუთაისის უნივერსიტეტი სტუდენტებს საზღვარგარეთ სწავლის პროცესში წარმატებებს უსურვებს.