ქუთაისის უნივერსიტეტი აცხადებს ღია კონკურსს უნივერსიტეტის შიდა ხარისხის უზრუნველყოფის პროცესებში მონაწილე სტუდენტთა სამუშაო ჯგუფის შესარჩევად

სტუდენტთა ჯგუფის შექმნის მიზანია ერთის მხრივ, უნივერსიტეტის ხარისხის უზრუნველყოფის საქმიანობისა და მექანიზმების შესახებ სტუდენტთა ინფორმირებულობა და მეორეს მხრივ, მათი უნივერსიტეტის შიდა ხარისხის განვითარების პროცესში მონაწილეობისა და ჩართულობის გაზრდა. ვფიქრობთ, აღნიშნული დაეხმარება უნივერსიტეტს შეიმუშაოს სტუდენტებზე მეტად ორიენტირებული ხარისხის უზრუნველყოფის მიდგომები.

სტუდენტების შერჩევა მოხდება 2021-2022 აკადემიურ წელს ქუთაისის უნივერსიტეტში მოქმედი საგანმანათლებლო პროგრამებიდან:

• ბიზნესის ადმინისტრირება (საბაკალავრო საგანმანათლებლო პროგრამა);
• ეკონომიკა (საბაკალავრო საგანმანათლებლო პროგრამა);
• ტურიზმი (საბაკალავრო საგანმანათლებლო პროგრამა);
• საბუღალტრო აღრიცხვა და აუდიტი (სამაგისტრო საგანმანათლებლო პროგრამა);
• ფინანსები (სამაგისტრო  საგანმანათლებლო პროგრამა);
• ეკონომიკა (სადოქტორო საგანმანათლებლო პროგრამა).

ღია კონკურსის წესით, თითოეული საგანმანათლებლო პროგრამიდან შეირჩევა თითო  სტუდენტი. სტუდენტთა ჯგუფი შეირჩევა ერთი წლის ვადით.

სტუდენტთა ჯგუფის ფუნქცია-მოვალეობები:

• უნივერსიტეტის შიდა ხარისხის უზრუნველყოფის მექანიზმების შეფასებასა და განვითარებაში მონაწილეობა.

 შერჩევის კრიტერიუმები: კანდიდატები უნდა აკმაყოფილებდნენ შემდეგ კრიტერიუმებს:

• შესაბამისი საგანმანათლებლო პროგრამის სტუდენტი მაღალი აკადემიური მოსწრებით, GPA > 3.0;
• MS Office (Word კარგი, Excel კარგი);
• ინგლისური ენის ცოდნა (მეტყველება, წერა) B1 დონე (სასურველია).

 კონკურსში მონაწილეობის მსურველებმა უნდა წარმოადგინონ შემდეგი დოკუმენტაცია:

• რეზიუმე (CV);
• სამოტივაციო წერილი (სასურველ ფორმატში);

 კანდიდატები შეფასდებიან შემდეგი კრკიტერიუმების მიხედვით:

• ზეპირი კომუნიკაციის უნარი (3 ქულა);
• პასუხების დამაჯერებლობა (3 ქულა);
• მოტივაცია (3 ქულა);
• ანალიტიკური აზროვნების უნარი (3 ქულა);
• შესაბამის დონეზე დარგის სპეციფიკის ცოდნა (3 ქულა);
• ზოგადი შთაბეჭდილება (3 ქულა).

შეფასების საბოლოო შედეგი გამოითვლება შეფასებების საშუალო არითმეტიკული ქულის დათვლით. კონკურსანტმა სავალდებულოა დააგროვოს შეფასებების 50%-ზე მეტი. კონკურსის არსებობის შემთხვევაში, შეირჩევა საუკეთესო შედეგის მქონე კანდიდატი.

კონკურსის ეტაპები:

• I ეტაპი: დოკუმენტების გადარჩევა;
• II ეტაპი: გასაუბრება შესარჩევ კომისიასთან.

კანდიდატთა განცხადებები მიიღება 2022 წლის 23 მარტიდან 15 აპრილის ჩათვლით.

აღნიშნული კონკურსის დაინტერესების შემთხვევაში, გთხოვთ თქვენი დოკუმენტაცია გამოაგზავნოთ შემდეგ მისამართზე: [email protected] აპლიკაციის გამოგზავნისას, წერილის სათაურში მიუთითეთ ვაკანსიის დასახელება - საგანმანათლებლო პროგრამის (შესაბამისი პროგრამის დასახელების მითითებით) კომიტეტის შეხვედრებზე დამსწრე სტუდენტი.

დამატებითი კითხვების შემთხვევაში, გთხოვთ დაგვიკავშირდით ელ-ფოსტაზე: [email protected]