ტელეფონი+995 (431) 23 79 79

ელ ფოსტა[email protected]

მისამართიქუთაისი, წერეთლის ქ. #13

#

ტრენინგ-სემინარი - „ცოდნა და ღირებულებითი განათლება''

„ERASMUS +“ საერთაშორისო პროგრამის “CURE” პროექტის ფარგლებში მიმდინარე წლის 29-30 ივნისს შპს ქუთაისის უნივერსიტეტს ორი დღით ეწვია ზალცბურგის უნივერსიტეტის პროფესორი და დოქტორი ჟან-ლუკ პატრი. მან ინგლისურ ენაზე ჩაატარა ორდღიანი ინტენსიურ ტრენინგ-სემინარი სწავლა-სწავლების თანამედროვე მეთოდის „ცოდნა და ღირებულებითი განათლების“ შესახებ, რომლის ავტორი თავად ავსტრიელი ექსპერტი გახლავთ.

 ორდღიანი ტრენინგ-სემინარი  შემდეგი გრაფიკით წარიმართა:

  • პირველი დღე , 29 ივნისი. 14:00 სთ - 17:00 სთ.
    • მეორე დღე, 30 ივნისი. 11:00 სთ- 13:00 სთ.

პირველ დღეს ავსტრიელმა ექსპერტმა შესავალი თეორიული ნაწილის ახსნის შემდეგ განიხილა ერთ-ერთ დილემა სამოქალაქო განათლების თემატიკაზე, ხოლო მეორე დღე სრულად დაეთმო დილემას, რომლის თემატიკა ბიზნესთან გახლდათ დაკავშირებული.

შპს ქუთაისის უნივერსიტეტის პროფესორ-მასწავლებლების გარდა აღნიშნულ ტრენინგ-სემინარს ესწრებოდნენ  აკაკი წერეთლის სახელმწიფო უნივერსიტეტის სპეციალისტები და ქუთაისის რამდენიმე საჯარო სკოლის მასწავლებელი.

ტრენინგი მეტად საინტერესო და ნაყოფიერი გახლდათ. დაისვა საინტერესო შეკითხვები ტრენერის მისამართით, ასევე გაიმართა დისკუსიები.

 


ბოლო სიახლეები