ტელეფონი+995 (431) 23 79 79

ელ ფოსტა[email protected]

მისამართიქუთაისი, წერეთლის ქ. #13

ქუთაისის უნივერსიტეტის კიდევ ერთი საერთაშორისო წარმატება!

ქუთაისის უნივერსიტეტის კიდევ ერთი საერთაშორისო წარმატება!

ერასმუს+ ჟან მონეს აქტივობების 2022 წლის კონკურსში ქუთაისის უნივერსიტეტის პროექტმა „ევროპის ციფრული სტრატეგია მომავალი მეწარმეებისა და ლიდერებისთვის“ გაიმარჯვა. ჩვენს მიერ წარდგენილი პროექტის მიზანი, ციფრული ტექნოლოგიების გამოყენებით, კერძო კომპანიებისა და სახელმწიფოს ეკონომიკური პოლიტიკის გაძლიერებაა.

ევროკავშირის ერასმუს+ პროგრამის მიერ სრულად დაფინანსებული პროექტი, უნივერსიტეტის ეგიდით, სამი წლის მანძილზე ზაფხულისა და ზამთრის სკოლების მუშაობას გულისხმობს, სადაც მსმენელები ცოდნას შემდეგი მიმართულებით მიიღებენ:

  • ციფრული ეკოსისტემები და პლატფორმები
  • მომავლის ტექნოლოგიები: ხელოვნური ინტელექტი, Blockchain, Cloud და სხვ.
  • ევროკავშირის ციფრული სტრატეგიის შესაძლებლობების გამოყენება კერძო კომპანიების ფინანსების მართვაში
  • ევროკაშირის ციფრული სტრატეგიის გამოყენების შესაძლებლობები საქართველოს ეკონომიკური პოლიტიკის განცოხრიციელებაში
  • რეგიონული შრომის ბაზრის შესაძლებლობები ციფრულ ეკონომიკაში

მოდულის მიზნობრივ აუდიტორიად განსაზღვრულია სტუდენტები, აკადემიური პერსონალი, ბიზნეს სუბიექტები, კერძო და საჯარო დაწესებულებების წარმომადგენლები, ყველა პირი, ვინც დაინტერესებულია მოცემული თემატიკის შესწავლით.

ჩვენი უნივერსიტეტისთვის ძალიან მნიშვნელოვანია საერთაშორისო პროექტებში მონაწილეობა, უცხოელ პარტნიორებთან თანამშრომლობა, რადგან „ქუთაისის უნივერსიტეტი“ ის სასწავლო დაწესებულებაა, რომელიც სტუდენტებს უმაღლეს განათლებასთან ერთად აძლევს შანსს, ცოდნა ევროპის წამყვან უნივერსიტეტებში კიდევ უფრო აიმაღლონ. ამ მიზნით აქტიურად ვართ ჩართული პროგრამებში, რომლებიც ჩვენი სტუდენტების ინტერესებზეა გათვლილი.