ტელეფონი+995 (431) 23 79 79

ელ ფოსტა[email protected]

მისამართიქუთაისი, წერეთლის ქ. #13

#

საქმიანი ვიზიტი ჰავაის წყნარი ოკეანის უნივერსიტეტში

ა/წ-ის 8-10 ნოემბერს ქუთაისის უნივერსიტეტის ასისტენტ პროფესორი პაატა კლდიაშვილი საქმიანი ვიზიტით იმყოფებოდა “ჰავაის წყნარი ოკეანის უნივერსიტეტში” (აშშ).

ქუთაისის უნივერსიტეტსა და ჰავაის წყნარი ოკეანის უნივერსიტეტს შორის ურთიერთობის დამყარებაში აქტიური მონაწილეობა მიიღო არასამთავრობო ორგანიზაციამ “ამერიკის შეერთებული შტატებისა და კავკასიის თანამშრომლობის ასოციაცია”, რომელსაც წარმოადგენს ამერიკაში მცხოვრები ქართველი შოთა მხეიძე.

ვიზიტის ფარგლებში ბ-ნ პ. კლდიაშვილი შეხვდა მასპინძელი უნივერსიტეტის ვიცე პრეზიდენტს დოქტორ ჯონ კირნსს, საერთაშორისო ურთიერთობების დეპარტამენტის დირექტორს ქ-ნ ლილიან ჰალსტრომს და ბიზნეს ადმინისტრირების დეპარტამენტის ხელმძღვანელებს.

აღნიშნულ შეხვედრებზე განიხილებოდა ორ უნივერსიტეტს შორის სამომავლო თანამშრომლობის პერსპექტივები და მიღწეული იქნა შეთანხმება ისეთ საკითხებზე როგორიცაა:

  • სტუდენტების ურთიერთგაცვლა;
  • ერთობლივი მოკლევადიანი სასერტიფიკატო პროგრამის შემუშავება ბიზნეს ადმინისტრირების მიმართულებით;
  • ერთობლივი საბაკალავრო პროგრამის შემუშავება “გლობალური ტურიზმის მენეჯმენტში”, რაც ითვალისწინებს, რომ სტუდენტები, რომლებიც ჩაირიცხებიან აღნიშნულ სპეციალობაზე პირველი ორი წლის მანძილზე ისწავლიან ქუთაისის უნივერსიტეტში, შემდგომი ორი წელი კი ჰავაის წყნარი ოკეანის უნივერსიტეტში, სადაც ისინი ისარგებლებენ 80%-იანი შეღავათით სწავლის გადასახადში;
  • ქუთაისის უნივერსიტეტის ბაკალავრები ჰავაის წყნარი ოკეანის უნივერსიტეტში სამაგისტრო პროგრამებზე სწავლის გაგრძელების შემთხვევაში ისარგებლებენ 50%-იანი შეღავათით სწავლის გადასახადში.
{Gallery dir='news/25-11-2010'}

ბოლო სიახლეები