წარჩინებული სტუდენტებისათვის უნივერსიტეტში დაწესებულია უნივერსიტეტის დამფუძნებელთა სახელობის 2 სტიპენდია და თითოეული კურსის სტუდენტებისათვის სამი სხვადასხვა ხარისხის ჩვეულებრივი სტიპენდიები. მაგისტრატურაში ამჯერად მოქმედებს ერთი 100%-იანი და სამი 50%–იანი ადგილობრივი სტუდენტური გრანტი, ხოლო დოქტორანტურაში - ერთი 100%-იანი და ერთი 50%-იანი სასწავლო გრანტი.
გამორჩეული სტუდენტებისათვის უნივერსიტეტი გასცემს სტუდენტურ სესხს, რომლის დაფარვის საშუალება მათ ექნებათ სწავლის დასრულების შემდეგ. 2010 წლიდან უნივერსიტეტი აცხადებს ყოველწლიურ საგრანტო კონკურსს სტუდენტების მიერ შემუშავებული მცირე ბიზნეს-პროექტების დასაფინანსებლად.