ქუთაისის უნივერსიტეტში სტუდენტთა და კურსდამთავრებულთა მომსახურების ცენტრის ინიციატივით ინტერკულტურული ურთიერთობების გაღრმავებისა და ხელშეწყობის მიზნით ჩამოყალიბდა ჭადრაკის კლუბი და მოეწყო ტურნირი.
კლუბი დაკომპლექტდა როგორც საერთაშორისო ისე, ქართველი სტუდენტებით. შეჯიბრებაში როგორც კლუბის წევრები, ისე სხვა დაინტერესებული სტუდენტები მონაწილეობდნენ.
ტურნირის ორგანიზებაში მონაწილეობას იღებდა სტუდენტური თვითმმართველობა. შეჯიბრების ბოლოს გამოვლენილი გამარჯვებულები თვითმმართველობის პრეზიდენტმა ბაია ჯოხაძემ დააჯილდოვა და I, II, III ადგილზე გასულ მონაწილეებს სიმბოლური საჩუქრები გადასცა.